Verðlistinn okkar er ekki tæmandi en gefur góða hugmynd um verð og þær vörur sem við bjóðum upp á. Verðlistinn okkar samanstendur af hágæða Fine Art pappírum og strigum, mögulega þeim bestu sem eru fáanlegir í heiminum í dag.  Ef þú smellir á bláa letrið í verðlistanum ferð þú inn á heimasíðu framleiðanda og sérð frekari uppl. um efnið. Innifalið í verði er frír flutningur hvert á land sem er með póstinum.  ATH! Ef myndir eru yfir 150cm á stærð og límdar á t.d. ál þá þurfum við að ræða saman 🙂

Smella hér fyrir útprentanir

Myndir límdar á ál og fl.

Við leggjum mikinn metnað í val á pappír fyrir fagmenn og -konur eða þá sem vilja bara það besta fyrir listaverkin sín. Ljósmyndapappír er mjög misjafn að gæðum og getur munað meir en helming á líftíma mynda upp á vegg eftir vali á pappír (það er ekki nóg að blekið sé gott). Við bjóðum upp á pappír og striga fyrir ljósmyndir og listaverk sem fara upp á vegg sem er ISO vottaður fyrir langa endingu (ISO9706 / Fogra 28800, museum quality for highest age resistance). Þetta getur skipt gríðarlega miklu máli, ekki síst ef selja á myndir. Það er þekkt staðreynd að myndir sem prentaðar eru á gæðaefni eru mun áferðarfallegri með meiri, dýpri og fallegri litum. Myndin er kannski falleg á "ódýrum" glans ljósmyndapappír sem getur alveg verið 300 gramma og allt það..., þangað til þú sérð hana við hliðina á alvöru ljósmynda Art pappír. Við erum ekkert að grínast hér, við tökum þetta alla leið með þér!

Erum með fínar lausnir í boði, hafðu samband. Við getum séð um uppsetningu.

Ódýrar og góðar lausnir fyrir það sem ekki má kosta mikið en þó mjög vel unnið og prentað í fyrirtaks gæðum. Eins og tímabundin auglýsinga- og tilboðsplaköt í glugga og standa verslana. Bjóðum líka upp á prentun sem þolir mikið álag, t.d. gólfauglýsingar en þá er auglýsingin filmuð með viðeigandi plasti sem er með nauðsynlega staðla er varðar hálkuvörn. Við getum séð um uppsetningu.

Prentum auglýsinga skilti bæði á vegg, spjöld og gólf. Auglýsingar sem fara á gólf eru með filmu sem er sérstaklega ætluð fyrir íþróttamannvirki og vissulega með alla þá staðla sem þurfa að vera til er varðar m.a. hálkuvörn. Efnin sem við notum hér eru frá 3M og Avery Dennison.

Hér bjóðum við upp á hárnákvæma litgreiningu og útprentun á pappír sem allir eru vottaðir fyrir langa endingu. ISO9706 / Fogra 28800, museum quality for highest age resistance. Hægt er að velja um ýmsar gerðir af áferð á pappír og striga. Getum séð um að koma fyrirmyndinni á stafrænt form í miklum gæðum.  Vekjum athygli á að þessi þjónusta er einungis í boði fyrir þann sem bjó til listaverkið eða að skriflegt leyfi frá listamanni sé til staðar. Hér virðum við höfundarrétt.

Bjóðum upp á UV lökkun á öllum myndum. Ef prentað er á striga getum við séð um allan frágang, t.d. að strekkja á ramma og fl. Hágæða filmuskönnun í boði fyrir allar stærðir filma.  Bílamerkingar, skilti og verslanir, við getum séð um alla uppsetningu.